കണ്ണൂര്‍: കാര്‍ നിയന്ത്രണം വിട്ട് തലകീഴായി മറിഞ്ഞു. കാറിലുണ്ടായിരുന്നവര്‍ പരുക്കേല്‍ക്കാതെ രക്ഷപ്പെട്ടു. താഴെചൊവ്വ ഇലക്ട്രിക്ക് ഓഫിസിന് സമീപം ഇന്നലെ രാവിലെയാണ് അപകടം. തലശ്ശേരി ഭാഗത്ത് നിന്ന് വരികയായിരുന്ന കാറാണ് അപകടത്തില്‍പെട്ടത്. ഇതേഭാഗത്ത് നിന്ന് വരികയായിരുന്ന മറ്റൊരു കാര്‍ പെട്ടെന്ന് വെട്ടിച്ചപ്പോഴാണ് അപകടമുണ്ടായത്. കാര്‍ നിയന്ത്രണം വിട്ട് റോഡില്‍ നിന്നു തെന്നിമാറി തലകീഴായി മറിയുകയായിരുന്നു. കീഴ്‌മേല്‍ മറിഞ്ഞ കാറില്‍ നിന്നു നാട്ടുകാരാണ് അപകടത്തില്‍പെട്ടവരെ രക്ഷിച്ചത്.