കണ്ണൂര്‍: കോര്‍പറേഷന്‍ മേയറെ ജനാധിപത്യ രീതിയില്‍ ഉപരോധിച്ച മുസ്‌ലിം യൂത്ത്‌ലീഗ് നേതാക്കള്‍ക്കെതിരേ കള്ളക്കേസ് ചുമത്തി ജയിലിലടച്ച സംഭവത്തില്‍ മണ്ഡലം മുസ്‌ലിം യൂത്ത് ലീഗ് കമ്മിറ്റിയുടെ ആഭിമുഖ്യത്തില്‍ കണ്ണൂര്‍ നഗരത്തില്‍ പ്രതിഷധ പ്രകടനം നടത്തി. യൂത്ത് ലീഗ് ജില്ലാ വൈസ് പ്രസിഡന്റ് ഷക്കീര്‍ മൗവ്വഞ്ചേരി, കണ്ണൂര്‍ മണ്ഡലം യൂത്ത് ലീഗ് ജനറല്‍ സെക്രട്ടറി അഷ്‌റഫ് കാഞ്ഞിരോട്, കെ. ഷംസീര്‍, പി. നസീര്‍, ഹാഷിര്‍ ചെമ്പിലോട് നേതത്വം നല്‍കി. കോര്‍പറേഷന്‍ അധികാരികള്‍ ജനവിരുദ്ധ നയങ്ങള്‍ തിരുത്തിയില്ലെങ്കില്‍ മണ്ഡലം കമ്മറ്റി സമരം ഏറ്റെടുക്കുമെന്ന് നേതാക്കള്‍ പറഞ്ഞു.