കാളികാവ്: ഓടിക്കൊണ്ടിരുന്ന ജീപ്പിന് മുകളില്‍ മരം വീണു. ചോക്കാട് ഗ്രാമപ്പഞ്ചായത്തിന്റെ ഔദ്യോഗിക വാഹനത്തിന് മുകളിലാണ് മരം വീണത്. ജീപ്പ് പൂര്‍ണമായും തകര്‍ന്നിട്ടുണ്ട്. വാഹനത്തിലുണ്ടായിരുന്നവര്‍ പരുക്കുകളില്ലാതെ രക്ഷപ്പെട്ടു.
ഇന്നലെ വൈകീട്ട് അഞ്ചിന് നിലമ്പൂര്‍ പെരുമ്പിലാവ് സംസ്ഥാന പാതയില്‍ പുല്ലങ്കോട് വളവില്‍ വെച്ചാണ് വാഹനത്തിന് മുകളിലേക്ക് പാതയോരത്തെ മരം പൊട്ടി വീണത്. മരത്തോടൊപ്പം വൈദ്യുതിക്കാലും പൊട്ടി വീണതിനാല്‍ ഒരു മണിക്കൂറോളം ഗതാഗതം പൂര്‍ണമായും തടസപ്പെട്ടു.
വൈദ്യുതി ജീവനക്കാരും നാട്ടുകാരും ചേര്‍ന്ന് തടസങ്ങള്‍ നീക്കി രാത്രിയോടെ ഗതാഗതം പുനസ്ഥാപിച്ചു.