കൊച്ചി: കൊച്ചി മധുര ദേശീയപാതയില്‍ മരം കടപുഴകിയതിനെത്തുടര്‍ന്നു ഗതാഗതം തടസപ്പെട്ടു. കഴിഞ്ഞ ദിവസം പുലര്‍ച്ചെയുണ്ടായ കാറ്റിലും മഴയിലുമാണു മരം കടപുഴകിയത്. ഇതോടെ വൈറ്റില, തൃപ്പൂണിത്തറ, മരട് ഭാഗത്തേക്കുള്ള പാതയില്‍  ഗതാഗതക്കുരുക്ക് മണിക്കൂറുകള്‍ തുടര്‍ന്നു. പൂണിത്തറ ഭാഗത്ത്  പുലര്‍ച്ചെയാണു മരം കടപുഴകി വീണത്.
സമീപത്തെ വീടിനും എ.ടി.എം റൗണ്ടറിനും ചെറിയ കടകള്‍ക്കും കേടുപറ്റി. രാവിലെ ആയതിനാല്‍ വന്‍ അപകടം ഒഴിവായി.സമാനമായി നേരത്തെയും മരങ്ങള്‍ വീണ് അപകടങ്ങള്‍ ഉണ്ടായിട്ടുണ്ടെന്നും അപകടാവസ്ഥയിലുള്ള തണല്‍ മരങ്ങള്‍ മുറിച്ചു മാറ്റാന്‍ അധികൃതര്‍ നടപടിയെടുത്തില്ലെന്നും നാട്ടുകാര്‍ ആരോപിച്ചു.