അമ്പലപ്പുഴ : വേഗപൂട്ട് ഘടിപ്പിയ്ക്കാതെ ടിപ്പര്‍ ലോറികളും സ്വകാര്യ ബസ്സുകളും നിരത്തിലൂടെ ചീറി പായുന്നത് ജനങ്ങള്‍ക്കും മറ്റ് വാഹനയാത്രക്കാരയും ഭീതിയില്‍. മോട്ടോര്‍ വാഹന വകുപ്പ് അധികാരികള്‍ നടപടി എടുക്കാന്‍ തയാറാകാത്തത് ദുരിതമാകുന്നു. അനധികൃത മണല്‍ കടത്തു ടിപ്പര്‍ ലോറികളാണ് അമിതവേഗത്തില്‍ കടുന്നുപോകുന്നത്.
കോട്ടയം, എറണാകുളം ജില്ലകളില്‍ നിന്നും മണലുമായി ഇടറോഡുകള്‍ കയറി കൈതവന ഭാഗത്തെത്തി ഇവിടെ നിന്നും അമ്പലപ്പുഴ, പുറക്കാട്, കരുമാടി,തകഴി എന്നീ പ്രദേശങ്ങളില്‍ എത്തിയാണ് മണല്‍ വില്‍പ്പന നടത്തുന്നത്.  സ്വകാര്യ ബസുകളാകട്ടെ യാത്രക്കാരെ കുത്തിനിറച്ചാണ് ചീറി പായുന്നത് . ഇതേ തുടര്‍ന്ന് യാത്രക്കാരും, കാല്‍നടയാത്രക്കാരും ഭീതിയിലാണ് സഞ്ചരിക്കുന്നത്. അതേസമയം ടിപ്പര്‍ ലോറികളുടെ വേഗപൂട്ട് പരിശോധിക്കാന്‍ അധികാരികള്‍ തയ്യാറാകാത്തത് അമിതവേഗം വര്‍ദ്ധിക്കാന്‍ ഇടയാക്കുന്നുണ്ട്.