പൊന്നാനി: താലൂക്ക് ആശുപത്രിയുടെ രണ്ടാംഘട്ട വികസന പ്രവര്‍ത്തനങ്ങള്‍ക്ക് തുടക്കംകുറിച്ച് തീരദേശ വികസന കോര്‍പറേഷന്‍ പ്രതിനിധികളുമായി പ്രാരംഭഘട്ട ചര്‍ച്ച നടത്തി.
ആശുപത്രിയില്‍ ആദ്യഘട്ട വികസന പ്രവര്‍ത്തനങ്ങള്‍ ഡി.എം.ആര്‍.സിയുടെ നേതൃത്വത്തില്‍ പൂര്‍ത്തീകരിച്ചു.
നിലവിലെ പുരുഷന്‍മാരുടെ വാര്‍ഡ് പൊളിച്ച് നീക്കി ആധുനിക സൗകര്യങ്ങളോടുകൂടിയ അത്യാഹിത വിഭാഗം, ഐ.സി.യു, ഒബ്‌സര്‍വേഷന്‍ യൂനിറ്റ്, ഓപറേഷന്‍ തിയേറ്റര്‍, ലബോറട്ടറി, മെഡിക്കല്‍ വാര്‍ഡ് , സര്‍ജിക്കല്‍ വാര്‍ഡ് , ഡെ - കെയര്‍ സെന്റര്‍,സീ വേജ് ട്രീറ്റ്‌മെന്റ് പ്ലാന്റോടുകൂടിയ ടോയ്‌ലറ്റ് സൗകര്യം എന്നിവ ഉള്‍പ്പെടുത്തി ബഹുനില കെട്ടിടം നിര്‍മിക്കുന്നതിന് തീരദേശ വികസന കോര്‍പറേഷന്‍ മുഖേന വികസന മാതൃക തയാറാക്കി സര്‍ക്കാരിലേക്ക് ഉടന്‍ സമര്‍പ്പിക്കും.
യോഗത്തില്‍ നഗരസഭ ചെയര്‍മാന്‍ സി.പി മുഹമ്മദ് കുഞ്ഞി അധ്യക്ഷനായി. നിയമസഭ സ്പീക്കറുടെ പ്രതിനിധി ജമാലുദ്ദീന്‍, ആരോഗ്യ സ്റ്റാന്‍ഡിങ് കമ്മിറ്റി ചെയര്‍മാന്‍ അഷറഫ് പറമ്പില്‍, തീരദേശ വികസന കോര്‍പറേഷന്‍ പ്രതിനിധികള്‍, ആശുപത്രി ലെ- സെക്രട്ടറി അബ്ദുല്‍സമദ്, പി.ആര്‍.ഒ ശ്രീജിത്, ക്ലര്‍ക്ക് അനു എന്നിവര്‍ പങ്കെടുത്തു.