ആലപ്പുഴ: എസ്.എസ്.എല്‍.സി., പ്ലസ് ടു പരീക്ഷകളില്‍ ജില്ലയിലെ സ്റ്റുഡന്റ് പോലീസ് കേഡറ്റുകള്‍ ഉജ്വലവിജയം നേടി. ജില്ലയിലെ 24 സ്‌കൂളുകളിലായി എസ്.എസ്.എല്‍.സി. പരീക്ഷയെഴുതിയ 1002 കേഡറ്റുകളും വിജയിച്ചു.  
ഇതില്‍ 95 പേര്‍ക്ക് എല്ലാ വിഷയത്തിനും എ പ്ലസ് ലഭിച്ചു. 111 പേര്‍ക്ക് ഒമ്പത് എ പ്ലസും 81 പേര്‍ക്ക് എട്ട് എ പ്ലസും ലഭിച്ചു. പ്ലസ് ടു പരീക്ഷയിലും തകര്‍പ്പന്‍ വിജയം നേടി. ജില്ലയിലെ അഞ്ച് സ്‌കൂളുകളിലായി പരീക്ഷയെഴുതിയ 190 കേഡറ്റകളും ജയിച്ചു.  ഇതില്‍ 35 പേര്‍ക്ക് മുഴുവന്‍ വിഷയങ്ങള്‍ക്കും എ പ്ലസ് ലഭിച്ചു.സേവന മികവിലും പഠനത്തിലും സ്റ്റുഡന്റ് പോലീസ് കേഡറ്റുകള്‍ ഉജ്വലവിജയമാണ് കാഴ്ചവച്ചതെന്ന് ജില്ലാ പോലീസ് മേധാവി വി. എം. മുഹമ്മദ് റഫീഖ് പറഞ്ഞു. മികച്ച വിജയം നേടിയ കേഡറ്റുകളെ ജില്ലാതലത്തില്‍ അനുമോദിക്കുമെന്ന് ജില്ലാനോഡല്‍ ഓഫീസര്‍ പി.കെ. ഗോപാലന്‍ ആചാരി പറഞ്ഞു.