ബംഗളൂരു: കര്‍ണാടകയില്‍ ഓടുന്ന ബസിന് തീപിടിച്ച് മൂന്നു പേര്‍ മരിച്ചു. ഒമ്പത് പേര്‍ക്ക് ഗുരുതരമായി പരുക്കേറ്റു. കര്‍ണാടകയിലെ ഹുബ്ലിക്കടുത്ത് വരൂരില്‍ വച്ചാണ് അപകടം. ബംഗളൂരുവില്‍ നിന്ന് ദര്‍വാഡിലേക്ക് പോവുകയായിരുന്ന ദുര്‍ഗംബ മോട്ടോര്‍സിന്റെ ബസാണ് കത്തിയത്. ഇന്ന് പുലര്‍ച്ചെ അഞ്ചരയോടെയായിരുന്നു സംഭവം. അപകട സമയത്ത് 15 യാത്രക്കാരും രണ്ട് ഡ്രൈവര്‍മാരും ഒരു ക്ലീനറും ബസിലുണ്ടായിരുന്നു. ഒരു ഡ്രൈവര്‍ക്ക് ഗുരുതരമായി പരുക്കേറ്റിട്ടുണ്ട്. പരുക്കേറ്റവരെ ഹൂബ്ലിയിലെ കിംസ് ആശുപത്രിയില്‍ പ്രവേശിപ്പിച്ചിരിക്കുകയാണ്. മരിച്ചവരെ തിരിച്ചറിഞ്ഞിട്ടില്ല.