ചാവക്കാട്: എടക്കഴിയൂര്‍ ഖാദിരിയ്യ മദ്രസ യൂനിറ്റിന്റെ നേതൃത്വത്തില്‍ മജ്‌ലിസുന്നൂര്‍ രണ്ടാം വാര്‍ഷികവും ദുആ സമ്മേളനവും സംഘടിപ്പിച്ചു. രണ്ട് ദിവസങ്ങളിലായി നടന്ന പരിപാടി ഖാദിരിയ്യ ഖത്തീബ് ശിഹാബുദ്ധീന്‍  ബാഖവി ഉദ്ഘാടനം ചെയ്തു. എസ്.കെ.എസ്.എസ്.എഫ് സംസ്ഥാന ട്രഷറര്‍ ബഷീര്‍ ഫൈസി ദേശമംഗലം, മജ്‌ലിസുന്നൂര്‍ സംസ്ഥാന കോ ഓര്‍ഡിനേറ്റര്‍ ഹസന്‍ സഖാഫി പൂക്കോട്ടൂര്‍ മുഖ്യ പ്രഭാഷണം നടത്തി. സമസ്ത കേന്ദ്ര മുശാവറ അംഗം ചെറുവാളൂര്‍ ഹൈദ്രോസ് മുസ്‌ലിയാര്‍, പി.ടി കുഞ്ഞിമുഹമ്മദ് മുസ്‌ലിയാര്‍ പ്രാര്‍ത്ഥനാ സദസിന് നേതൃത്വം നല്‍കി. കെ.വി ലത്തീഫ്, ടി.പി ഖാലിദ്, സുലൈമു വലിയകത്ത്, വി.പി മൊയ്തു ഹാജി സംസാരിച്ചു.