കണ്ണൂര്‍: കണ്ണൂര്‍ വിമാനത്താവളത്തിലെ ചീഫ് ഓപ്പറേഷന്‍സ് ഓഫിസര്‍ (സി.ഒ.ഒ) ഉത്പല്‍ ബറുവ രാജിവച്ചു. മാനേജിങ് ഡയരക്ടര്‍ വി. തുളസീദാസിനു രാജിക്കത്ത് കൈമാറി. വ്യക്തിപരമായ കാരണങ്ങളാലാണു രാജിയെന്ന് അദ്ദേഹം പറഞ്ഞു.
ജി.എം.ആര്‍ ഗ്രൂപ്പ് ഓപ്പറേഷന്‍സ് വിഭാഗത്തിന്റെയും ഏവിയേഷന്‍ അക്കാദമിയുടെയും മേധാവിയായിരിക്കെ അസം സ്വദേശിയായ ഉത്പല്‍ ബറുവ കഴിഞ്ഞ ഡിസംബര്‍ 16നാണ് കണ്ണൂര്‍ വിമാനത്താവളത്തില്‍ ചുമതലയേറ്റത്. കണ്ണൂര്‍ ഇന്റര്‍നാഷനല്‍ എയര്‍പോര്‍ട്ട് ലിമിറ്റഡില്‍ ചീഫ് ഓപ്പറേറ്റിങ് ഓഫിസര്‍ തസ്തികയിലേക്ക് അപേക്ഷിച്ച ബറുവയെ ചീഫ് ഓപ്പറേഷന്‍സ് ഓഫിസറായാണു നിയമിച്ചത്.