പടിഞ്ഞാറങ്ങാടി: കുമ്പിടി ഭാഗത്തുനിന്നും തൃത്താല ഭാഗത്തേക്ക് പോവുകയായിരുന്ന ബൈക്കും, തൃത്താല ഭാഗത്തുനിന്നും കൂടല്ലൂര്‍ മലമല്‍ കാവിലേക്ക് പോവുകയായിരുന്ന കാറും കൂട്ടിയിടിച്ച് ബൈക്ക് യാത്രികനായ മുട്ടിക്കല്‍ കുഞ്ഞാലിയുടെ  മകന്‍ മുഹമ്മദ് അജ്മലി (22) ന് ഗുരുതരമായി പരുക്കേറ്റു.
ചിറ്റപ്പുറത്ത് വച്ചായിരുന്നു അപകടം. ചിറ്റപ്പുറം എത്തുന്നതിന്ന് മുമ്പ് കൊടുംവളവില്‍ ഇരു വാഹനങ്ങളും നിയന്ത്രണം വിട്ട് കൂട്ടിയിടിക്കുകയായിരുന്നു. കൂടല്ലൂര്‍ മലമല്‍കാവ് സ്വദേശി അറുമുഖന്റെയാണ് കാര്‍. അജ്മല്‍ തിരൂര്‍ സ്വദേശിയാണ്. കൂട്ടുപാത ആറങ്ങോട്ടുകരയിലാണ് താമസം.
ആറങ്ങോട്ടുകര ആലിയ ട്രാവല്‍സിന്റെ ഉടമയാണ്. അജ്മല്‍ തിരൂരില്‍നിന്ന് താമസ സ്ഥലത്തേക്ക് പോവുകയായിരുന്നു. തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.