മ്യൂണിക്: ബയേണിന്റെ ജര്‍മ്മന്‍ ഡിഫന്‍ഡര്‍ മാറ്റ് ഹമ്മല്‍സ് ബൊറൂസിയ ഡോര്‍ട്ട്മു@ണ്ടില്‍ തിരിച്ചെത്തി. 38 മില്യണ്‍ യൂറോയുടെ കരാറിലാണ് താരം തന്റ ആദ്യ ക്ലബില്‍ തിരിച്ചെത്തിയിട്ടുള്ളത്.
ഡോര്‍ഡ്മുണ്ടുമായി മൂന്ന് വര്‍ഷത്തെ കരാറിലാണ് താരം ഒപ്പ് വച്ചിട്ടുള്ളത്. 30 വയസുകാരനായ ഹമ്മല്‍സ് അപ്രതീക്ഷിതമായാണ് ഡോര്‍ട്ട്മു@ണ്ടില്‍ തിരിച്ചെത്തുന്നത്. ബയേണിനൊപ്പം മൂന്ന് ലീഗ് കിരീടങ്ങള്‍ നേടിയാണ് താരം മടങ്ങുന്നത്. 2016 ലാണ് ഹമ്മല്‍സ് ഡോര്‍ഡ്മുണ്ടില്‍ നിന്ന് ആരാധകരെ ഞെട്ടിച്ച് ബയേണിലെത്തുന്നത്.

ബയേണിന്റെ അക്കാദമി വഴി വളര്‍ന്ന താരമാണെങ്കിലും 2009 മുതല്‍ 2016 വരെ ടീമിലെ നിര്‍ണായക സാന്നിധ്യമായിരുന്നു ഹമ്മല്‍സ്. അതേ സമയം ടീമില്‍ സ്ഥിരമായി ഇടം ലഭിക്കാത്തതാണ് ക്ലബ് വിടാന്‍ കാരണമെന്ന വാര്‍ത്തയും പരക്കുന്നുണ്ട്. കഴിഞ്ഞ ബുണ്ടസ് ലിഗയില്‍ 20 മത്സരത്തില്‍ മാത്രമാണ് താരം ബുട്ട് കെട്ടിയിട്ടുള്ളത്.