ഗൂഡല്ലൂര്‍: മുതുമല കടുവാ സങ്കേതത്തില്‍ ആനകളുടെ കണക്കെടുപ്പ് നടക്കുന്നുണ്ടെങ്കിലും അത് വിനോദസഞ്ചാരത്തെ ബാധിക്കില്ലെന്ന് അധികൃതര്‍ അറിയിച്ചു.
മുതുമലയില്‍ ആനകളുടെ കണക്കെടുപ്പ് ഇന്നലെ ആരംഭിച്ചു. നാളെത്തോടെ കണക്കെടുപ്പ് പൂര്‍ത്തിയാകും. കണക്കെടുപ്പ് നടക്കുന്ന ദിവസങ്ങളില്‍ വിനോദസഞ്ചാരികള്‍ക്കായി ഒരുക്കിയിട്ടുള്ള ആനപ്പുറത്തുകയറിയുള്ള സവാരി, വാഹനങ്ങളില്‍ വനപ്രദേശം ചുറ്റി കാണാനും, വന്യമൃഗങ്ങളെ നേരില്‍ കാണാനും നിയന്ത്രണമുണ്ടായിരിക്കയില്ലെന്ന് അറിയിച്ചു.
എന്നാല്‍ വന്യമൃഗങ്ങളെ ശല്യം ചെയ്യുന്നതും മൃഗങ്ങളുടെ അടുത്ത് ചെല്ലുന്നതിനും നിയന്ത്രണങ്ങളുണ്ട്. നിയമം ലംഘിച്ചാല്‍ നടപടി എടുക്കുമെന്ന് വനം വകുപ്പ് ഉദ്യോസ്ഥര്‍ മുന്നറിപ്പു നല്‍കി