ന്യൂഡല്‍ഹി: വോട്ടെണ്ണല്‍ പുരോഗമിക്കുന്നതിനിടെ തോല്‍വി സമ്മതിച്ച് നിതീഷ് കുമാറിന്റെ ജെ.ഡി.യു നേതാവ്. ജെ.ഡി.യു വക്താവ് ആണ് എന്‍.ഡി.ടിയോട് തങ്ങളുടെ തോല്‍വി സമ്മതിച്ചത്. കൊവിഡ് ആണ് തങ്ങളുടെ പരാജയത്തിന് കാരണമെന്നും തേജസ്വി അല്ലെന്നുമായിരുന്നു അദ്ദേഹത്തിന്റെ പ്രതികരണം.

'ജനങ്ങളുടെ തീരുമാനം ഞങ്ങള്‍ അംഗീകരിക്കുന്നു. ആര്‍ജെ.ഡിയോ തേജസ്വി യാദവോ അല്ല ഞങ്ങളെ തോല്‍പിച്ചത്. ഒരു പ്രകൃതി ദുരന്തമാണ്'- അദ്ദേഹം പറഞ്ഞു. കൊവിഡ് മൂലമാണ് ഞങ്ങള്‍ പരാജയപ്പെടുന്നത്. കഴിഞ്ഞ 70 വര്‍ഷമായി ബിഹാറിനുണ്ടായ അധഃപതനത്തിന്റെ ഫലമാണിതെന്നും അദ്ദേഹം ചൂണ്ടിക്കാട്ടി.

ജെ.ഡി.യു കക്ഷിയായ എന്‍.ഡി.എ സഖ്യമാണ് ബിഹാറില്‍ മുന്നേറുന്നതെന്ന വാര്‍ത്തകള്‍ക്കിടെയാണ് നേതാവിന്റെ പ്രതികരണം.