കല്‍പ്പറ്റ: ജില്ലയിലെ വനാന്തരങ്ങളിലേയും വനാതിര്‍ത്തിയിലേയും സെറ്റില്‍മെന്റ് കോളനിയില്‍ താമസിക്കുന്ന പട്ടിക വര്‍ഗ്ഗ വിഭാഗത്തില്‍പ്പെട്ട ഉദ്യോഗാര്‍ഥികളില്‍ നിന്നും സിവില്‍ പൊലിസ് ഓഫിസര്‍, സിവില്‍ എക്‌സൈസ് ഓഫിസര്‍, വനിത സിവില്‍ പൊലിസ് ഓഫിസര്‍, വനിത സിവില്‍ എക്‌സൈസ് ഓഫിസര്‍ എന്നീ തസ്തികളിലേയ്ക്ക് പി.എസ്.സി അപേക്ഷ ക്ഷണിച്ചു. പട്ടിക വര്‍ഗ്ഗ വിഭാഗത്തില്‍പ്പെട്ട പണിയ,അടിയ, കാട്ടുനായ്ക എന്നീ വിഭാഗങ്ങളിലെ ഉദ്യോഗാര്‍ഥികള്‍ക്കാണ് അവസരം. യോഗ്യത പ്ലസ് 2 പാസായിരിക്കണം. ഇവരുടെ അഭാവത്തില്‍ 8 ാം ക്ലാസ് പാസ്സായവരെയും പരിഗണിക്കും. പി.എസ്.സി വെബ്‌സൈറ്റില്‍ നല്‍കിയ മാതൃകയില്‍  അപേക്ഷകള്‍ യോഗ്യത, ജാതി, വയസ്സ്, നേറ്റിവിറ്റി എന്നീ സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പുകളോടൊപ്പം മെയ് 31ന് വൈകുന്നേരം 5ന് മുമ്പായി നേരിട്ടോ, ട്രൈബല്‍ പ്രൊമോട്ടര്‍ മുഖേനയോ ജില്ലാ പി.എസ്.സി ഓഫിസില്‍ സമര്‍പ്പിക്കണം.
കൂടുതല്‍ വിവരങ്ങള്‍ക്കായി ംംം.സലൃമഹമുരെ.ഴീ്.ശി എന്ന വെബ്‌സൈറ്റ് സന്ദര്‍ശിക്കുകയോ ജില്ലാ പി.എസ്.സി ഓഫിസ്, പബ്ലിക വര്‍ഗ്ഗ വികസന ഓഫിസര്‍, പട്ടിക വര്‍ഗ്ഗ വികസന വകുപ്പിലെ ഫീല്‍ഡ് ഓഫിസര്‍മാര്‍ എന്നിവരുമായി ബന്ധപ്പെടുകയോ ചെയ്യുക.