വാറങ്കല്‍ (തെലങ്കാന): തെലങ്കാനയില്‍ ഒന്‍പത് മാസം പ്രായമുള്ള പെണ്‍ കുഞ്ഞിനെ ബലാംത്സംഗം ചെയ്തു കൊന്നു. തെലങ്കാനയിലെ വാറങ്കലിലാണ് മനഃസാക്ഷിയെ ഞെട്ടിക്കുന്ന ഈ സംഭവം. കേസില്‍ 25 വയസുള്ള പ്രവീണ്‍ എന്നയാളെ പൊലിസ് അറസ്റ്റ് ചെയ്തു.

വീടിന്റെ ടെറസിനു മുകളില്‍ രക്ഷിതാക്കളോടൊപ്പം ഉറങ്ങി കിടന്ന കുഞ്ഞിനെ പ്രവീണ്‍ തട്ടിക്കൊണ്ടു പോവുകയായിരുന്നു. കുഞ്ഞിനെ കാണാതായതിനെ തുടര്‍ന്ന് രക്ഷിതാക്കാള്‍ പരിസരപ്രദേശങ്ങളില്‍ തിരച്ചില്‍ നടത്തുന്നതിനിടെ പ്രതി കുഞ്ഞിനെ ഉപദ്രവിക്കുന്നത് കാണുകയായിരുന്നു. സര്‍ക്കിള്‍ ഇന്‍സ്‌പെക്ടര്‍ സമ്പത്ത് റാവു പറഞ്ഞു.

ഉടന്‍തന്നെ രക്ഷിതാക്കള്‍ ഇയാളെ പിടികൂടി പൊലിസിന് കൈമാറി. കുഞ്ഞിനെ ഉടന്‍ തന്നെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും നേരത്തേ മരിച്ചിരുന്നു.
പ്രതിയെ റിമാന്‍ഡ് ചെയ്തു. കുഞ്ഞിന്റെ മൃതശരീരം പോസ്റ്റ്‌മോര്‍ട്ടത്തിനായി സര്‍ക്കാര്‍ ആശുപത്രിയിലേക്ക് മാറ്റി.

പ്രതിയുടെ പേരില്‍ ഐ.പി.സി 376, 366, പോസ്‌കോ എന്നീ വകുപ്പുകള്‍ ചുമത്തി കേസ് രജിസ്റ്റര്‍ ചെയ്തിട്ടുണ്ട്. കേസന്വേഷണം പുരോഗമിക്കുകയാണ്.