നാദാപുരം: വീട്ടുപറമ്പിലെ പറമ്പിലെ കുളം നാട്ടുകാര്‍ക്കുവേണ്ടി പുനര്‍നിര്‍മിച്ച് പ്രവാസി വ്യാപാരി മാതൃകയാകുന്നു.
ഖത്തറിലെ വ്യാപാരി കുമ്മങ്കോട്ടെ വാണിയൂര്‍ സുബൈറിന്റെ പറമ്പിലുണ്ടായിരുന്ന കുളമാണ് പുനര്‍നിര്‍മിക്കുന്നത്. മേഖലയില്‍ രൂക്ഷമായ ജലക്ഷാമത്തെ തുടര്‍ന്ന് ആളുകള്‍ ലോറികളില്‍ എത്തുന്ന വെള്ളത്തെയാണ് ആശ്രയിക്കുന്നത്. നിറയെ ജലം ലഭിക്കുന്ന കുളം വൃത്തിയാക്കി കുടിവെള്ള വിതരണം നടത്താനാണ് ലക്ഷ്യമിടുന്നത്. ജെ.സി.ബി ഉപയോഗിച്ച് ചെളിനീക്കി പമ്പിങ് നടത്തും.