റിയാദ്: ഹൃദയാഘാതം മൂലം മലപ്പുറം സ്വദേശി സഊദിയിലെ അല്‍ ബാഹയില്‍ മരിച്ചു. വേങ്ങര ചേറൂര്‍ കിളിനക്കോട് അബൂബക്കര്‍ സിദ്ദിഖ് (29) ആണ് സഊദിയിലെ അല്‍ബാഹക്ക് സമീപം മഖ്‌വയില്‍ മരിച്ചത്. ഉത്തന്‍ നല്ലേങ്ങര റഊഫിന്റെ മകനാണ്. മുറിയില്‍ വെച്ച് ദേഹാസ്വാസ്ഥ്യം അനുഭവപ്പെട്ടതിനെ തുടര്‍ന്ന് ആശുപത്രിയില്‍ എത്തിക്കുകയായിരുന്നു. എട്ട് വര്‍ഷമായി ബുറൈദയില്‍ ജോലി ചെയ്തിരുന്ന അബൂബക്കര്‍ നാലര മാസം മുമ്പാണ് മഖ്‌വയിലേക്ക് ജോലി മാറിപ്പോയത്. ബുറൈദയില്‍ ജോലി ചെയ്യുന്ന പിതാവ് ഇപ്പോള്‍ അവധിക്ക് നാട്ടിലാണ്. മാതാവ്: ആമിന. ഭാര്യ ജസീല. മകള്‍: നിഹ്മത്ത് നസ്‌റിയ (മൂന്നര വയസ്) സഹോദരങ്ങള്‍: ഉസ്മാന്‍, ഹൈദരാലി, ഫാത്തിമ ഫള്‌ല, ഖദീജ. മയ്യിത്ത് സഊദിയില്‍ തന്നെ മറവുചെയ്യും.