കോഴിക്കോട്: സമകാലിക സാഹചര്യത്തില്‍ നിന്നുകൊണ്ടുള്ള വിജയന്റെ കൃതികളുടെ പുനര്‍വായന വേണമെന്ന് കെ.ഇ.എന്‍ കുഞ്ഞഹമ്മദ്.
കാലിക്കറ്റ് ബുക്ക് ക്ലബ്ബ് സംഘടിപ്പിച്ച ഒ.വി വിജന്‍ പുനര്‍വായന പുസ്തക പ്രകാശനവും സാഹിത്യ ചര്‍ച്ചയും അളകാപുരിയില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വിജയന്റെ കൃതികളിലെ വലതുപക്ഷതയും ആത്മീയതയുമെല്ലാം അപഗ്രഥിക്കപ്പെടണമെന്നും അദ്ദേഹം പറഞ്ഞു. ഡോ. ഖദീജാ മുംതാസ്  ഡോ. പി.കെ പോക്കറിന് പുസ്തകം നല്‍കി പ്രകാശനം ചെയ്തു. ഭാസി മലാപ്പറമ്പ് അധ്യക്ഷനായി. പി.കെ പാറക്കടവ്, ഡോ. വി. സുകുമാരന്‍, ഡോ. എന്‍.എം സണ്ണി സംസാരിച്ചു. തുടര്‍ന്ന് ഒ.വി വിജയന്റെ സാഹിത്യ പ്രപഞ്ചം എന്ന വിഷയത്തില്‍ നടന്ന പ്രഭാഷണത്തില്‍ കെ.ജി രഘുനാഥ്, സതീശന്‍ എടക്കുടി, ടി.പി മമ്മു മാസ്റ്റര്‍, ഗ്രന്ഥകാരന്‍ വിജയന്‍ കോടഞ്ചേരി, എം. സുബ്രഹ്മണ്യം സംസാരിച്ചു.