കൊടുങ്ങല്ലൂര്‍: ശ്രീനാരായണപുരം പഞ്ചായത്തിലെ പത്താഴക്കാട് വാര്‍ഡിലെ ഉപതിരഞ്ഞെടുപ്പിന്റെ വോട്ടെടുപ്പ് ഇന്ന് രാവിലെ 7 മുതല്‍ ആരംഭിക്കും. പഞ്ചായത്ത് അംഗമായിരുന്ന ഇടതുമുന്നണിയിലെ എ. മുരളീധരന്‍ മരണപ്പെട്ടതിനെ തുടര്‍ന്നാണ് ഉപതിരഞ്ഞെടുപ്പ്.
  ഇടതുമുന്നണിയില്‍ സി.പി.എം.ലെ നടുമുറി മോഹന്‍ദാസ്, യു.ഡി.എഫ്.ല്‍ കോണ്‍ഗ്രസിലെ കെ.എ. ഹൈദ്രോസ്, ബി.ജെ.പി.യിലെ ടി.പി. സതീഷ്‌കുമാര്‍, എന്നിവരാണ് മത്സരിക്കുന്നത്. കഴിഞ്ഞ തിരഞ്ഞെടുപ്പില്‍ മുരളീധരനോട് ഒരു വോട്ടിന് തോറ്റ ഹൈദ്രോസും, ബി.ജെ.പി. യിലെ ടി.പി. സതീഷ്‌കുമാറും വീണ്ടും മത്സരിക്കുമ്പോള്‍, സി.പി.എം. ലെ നടുമുറി മോഹന്‍ദാസ് മത്സരരംഗത്ത് പുതുമുഖമാണ്. 1216 വോട്ടുകളാണ് ഇത്തവണ. ഇതില്‍ 200 ഓളം പുതിയ വോട്ടര്‍മാരാണ് ഇവിടെയുള്ളത്. ഉല്ലാസവളവ് എസ്.എന്‍.കെ. യു.പി. സ്‌കൂളിലാണ് വോട്ടെടുപ്പ്. 29 ന് ഫലം പ്രഖ്യാപിക്കും.