വനിതകളുടെ 200 മീറ്റര്‍ഫ്രീ സ്‌റ്റൈലില്‍ അനായാസം ശിവാനി ഘട്ടാരിയ നീന്തിക്കയറി. ഹരിയാനയുടെ ശിവാനി ഘട്ടാരിയയാണ് സ്വന്തം പേരിലുള്ള റെക്കോര്‍ഡ് പുതുക്കി സ്വര്‍ണം നേടിയത്. കഴിഞ്ഞ വര്‍ഷം ഭോപ്പാലില്‍ സ്ഥാപിച്ച 2.06.63 സെക്കന്റ് സമയം 2.05.86 സെക്കന്റായി ശിവാനി തിരുത്തി. കര്‍ണാടകയുടെ ഖുഷി ദിനേശ് (2:10.59) വെള്ളിയും ഡല്‍ഹിയുടെ പ്രാച്ചി ചൊകാസ് ( 2:1079) വെങ്കലവും നേടി. വനിതകളുടെ 200 മീറ്റര്‍ മെഡ്‌ലേയില്‍ സ്വര്‍ണം നേടിയ ഇന്ത്യന്‍ പൊലിസിന്റെ റിച്ചാ മിശ്രയ്ക്ക് തന്റെ മുന്‍കാല മികവ് പുറത്തെടുക്കാനായില്ല. 2.24.23 സെക്കന്റില്‍ ഫിനിഷ് ചെയ്‌തെങ്കിലും 2010 ല്‍ ജയ്പൂരില്‍ റിച്ച സ്ഥാപിച്ച 2.23.62 സെക്കന്റ് സമയം തിരുത്താനായില്ല. സ്വിമ്മിങ് ഫെഡറേഷന്റെ ബാനറിലിറങ്ങിയ കെനീഷ് ഗുപ്ത (2:27.60) വെള്ളിയും ബംഗാളിന്റെ സയാനി ഘോഷ്( 2:28.24) വെങ്കലവും നേടി.