ചാത്തന്നൂര്‍: ദേശീയപാതയില്‍ ഇത്തിക്കര പാലത്തിന് സമീപം ലോറികള്‍ കൂട്ടിയിടിച്ച് മൂന്ന് പേര്‍ക്ക് പരുക്ക്. ഇന്ന് പുലര്‍ച്ചെയായിരുന്നു അപകടം. മലപ്പുറം സ്വദേശികളായ വിജേഷ്, അസീസ്, സുജിത്ത് എന്നിവര്‍ക്കാണ് പരുക്കേറ്റത്. മലപ്പുറത്ത് നിന്നും തിരുവനന്തപുരത്തേക്ക് പോയ ലോറി എതിരേ വന്ന പാഴ്‌സല്‍ ലോറിയുമായി കൂട്ടിയിടിക്കുകയായിരുന്നു.

അപകടത്തില്‍ പരുക്കേറ്റവരെ സമീപത്തെ ആശുപത്രികളില്‍ പ്രവേശിപ്പിച്ചു. അപകടത്തെ തുടര്‍ന്ന് രണ്ട് മണിക്കൂറോളം ദേശീയപാതയില്‍ ഗതാഗതം തടസപ്പെട്ടു.