ന്യൂഡല്‍ഹി: വിവാദമായ ബോഫേഴ്‌സ് തോക്കിടപാട് നടന്ന് മുപ്പതാണ്ടിന് ശേഷം ആദ്യമായി ഇന്ത്യന്‍ സൈന്യം വീണ്ടും വലിയ തോക്കുകള്‍ വാങ്ങുന്നു. എം777 അള്‍ട്രാ ലൈറ്റ് പീരങ്കി തോക്കുകളാണ് വാങ്ങുന്നത്.

700 ഡോളര്‍ വിലവരുന്ന ആയുധം അമേരിക്കയില്‍ നിന്നാണ് വാങ്ങുന്നത്. ഫോറിന്‍ മിലിറ്ററി സെയ്ല്‍ വഴി 145 എം 777 പീരങ്കി തോക്കുകള്‍ വാങ്ങാമെന്ന് നവംബര്‍ 30 നാണ് യു.എസുമായി ഇന്ത്യ കരാറുണ്ടാക്കിയത്.

145 തോക്കുകളില്‍ 25എണ്ണം ബ്രിട്ടീഷ് കമ്പനിയായ ബി.എ.ഇ സിസ്റ്റംസ് വിതരണം ചെയ്യും . ബാക്കിയുള്ള 120 യന്ത്രസാമഗ്രികള്‍  മഹീന്ദ്രകമ്പനിയുടെ നേതൃത്വത്തില്‍ ഇന്ത്യയില്‍ വച്ച് യോജിപ്പിക്കും.

1980കളുടെ പകുതിയില്‍ സ്വീഡനിലെ ബോഫോഴ്‌സ് കമ്പനിയുടെ തോക്കുകളാണ് ഇന്ത്യ അവസാനമായി വാങ്ങിയിരുന്ന പീരങ്കികള്‍. വന്‍ തുക നല്‍കി ആയുധങ്ങള്‍ വാങ്ങാന്‍ ഇന്ത്യന്‍ രാഷ്ട്രീയകാര്‍ക്കും മുതിര്‍ന്ന സൈനിക ഉദ്യോഗസ്ഥര്‍ക്കും കൈക്കൂലി നല്‍കിയതും മറ്റും പുറത്തുവന്നിരുന്നു. ഇന്ത്യന്‍ രാഷ്ട്രീയത്തെ തന്നെ പിടിച്ചു കുലുക്കിയ ബോഫോഴ്‌സ് അഴിമതിക്ക് ശേഷം ആദ്യമായാണ് പുറത്തുനിന്ന് വന്‍ ആയുധ ശേഖരം ഇന്ത്യ വാങ്ങുന്നത്.