കൊച്ചി: ചലച്ചിത്രതാരം കലാഭവന്‍ മണിയുടെ മരണം കേസ് സി.ബി.ഐ അന്വേഷണം ആരംഭിച്ചു. ചാലക്കുടി സി.ഐ കേസുകള്‍ സംബന്ധിച്ച ഫയലുകള്‍ സി.ബി.ഐക്ക് കൈമാറി.

കേസ് ഏറ്റെടുക്കാന്‍ സംസ്ഥാന സര്‍ക്കാര്‍ ഉത്തരവിട്ടിരുന്നെങ്കില്‍ ഏറ്റെടുക്കാന്‍ സി.ബി.ഐ മടിക്കുകയായിരുന്നു. തങ്ങള്‍ അന്വേഷിക്കാന്‍ മാത്രം തക്ക കാര്യങ്ങളൊന്നും കേസിലില്ലെന്നായിരുന്നു അവരുടെ നിലപാട്. എന്നാല്‍, മരണത്തില്‍ ഗൂഡാലോചനയുണ്ടെന്നും വിശദമായ അന്വേഷണം വേണമെന്നും ആവശ്യപ്പെട്ടാണ് ബന്ധുക്കള്‍ ഹൈക്കോടതിയെ സമീപിച്ചത്. തുടര്‍ന്നാണ് കേസ് സി.ബി.ഐ ഏറ്റെടുക്കാന്‍ ഹൈക്കോടതി ആവശ്യപ്പെട്ടത്.