തിരുവനന്തപുരം: പുനര്‍വിജ്ഞാപന പ്രകാരമുള്ള തദ്ദേശ സ്വയംഭരണ സ്ഥാപനങ്ങളിലെ സംവരണ മണ്ഡലങ്ങളുടെയും വാര്‍ഡുകളുടെയും നറുക്കെടുപ്പ് ഇന്നു നടക്കും.
പാലാ മുനിസിപ്പാലിറ്റിയിലെ സംവരണ വാര്‍ഡുകളുടെ നറുക്കെടുപ്പ് കൊല്ലം ടി.എം വര്‍ഗീസ് സ്മാരക ഹാളിലും കോതമംഗലം മുനിസിപ്പാലിറ്റിയിലെ നറുക്കെടുപ്പ് കൊച്ചി കോര്‍പറേഷന്‍ ടൗണ്‍ ഹാളിലും മലപ്പുറം മുനിസിപ്പാലിറ്റിയുടേത് കോഴിക്കോട് ടൗണ്‍ ഹാളിലുമാണു നടക്കുക.
കൊല്ലം ജില്ലയിലെ ശാസ്താംകോട്ട ഗ്രാമ പഞ്ചായത്ത്, പത്തനംതിട്ട ജില്ലയിലെ അയിരൂര്‍, മൈലപ്ര പഞ്ചായത്തുകള്‍, എറണാകുളം ജില്ലയിലെ കാലടി, ശ്രീമൂലനഗരം പഞ്ചായത്തുകള്‍, പറവൂര്‍ ബ്ലോക്ക് പഞ്ചായത്ത്, മലപ്പുറം ജില്ലയിലെ കൊണ്ടോട്ടി ബ്ലോക്ക് പഞ്ചായത്ത് എന്നീ തദ്ദേശ സ്ഥാപനങ്ങളിലെ സംവരണ സീറ്റുകളുടെ നറുക്കെടുപ്പ് അതതു ജില്ലാ കലക്ടറേറ്റ് കോണ്‍ഫറന്‍സ് ഹാളിലും നടക്കുമെന്ന് തെരഞ്ഞെടുപ്പ് കമ്മിഷണര്‍ അറിയിച്ചു.