തിരുവനന്തപുരം: തലസ്ഥാനത്ത് വ്യാപകമായിക്കൊണ്ടിരിക്കുന്ന ഡെങ്കിപ്പനിക്കെതിരെ ജനങ്ങളില്‍ അവബോധം വളര്‍ത്തുന്നതിനായി  ഇന്ത്യന്‍ മെഡിക്കല്‍ അസോസിയേഷന്‍ തിരുവനന്തപുരം ഘടകം സംഘടിപ്പിക്കുന്ന ഡെങ്കിപ്പനി ബോധവല്‍കരണ  സന്ദേശയാത്ര  ഇന്നു രാവിലെ എട്ടിന് പാളയം രക്തസാക്ഷി മണ്ഡപത്തില്‍ ആരോഗ്യമന്ത്രി കെ.കെ. ശൈലജ ഫ്‌ളാഗോഫ് ചെയ്യും.
 നാഷണല്‍ ഹെല്‍ത്ത് മിഷന്‍, ഇന്ത്യന്‍ അക്കാദമി ഓഫ് പീഡിയാട്രിക്‌സ് എന്നിവയുടെ സഹകരണത്തോടെയാണ് പരിപാടി സംഘടിപ്പിക്കുന്നത്. ഇന്നും നാളെയുമായി തിരുവനന്തപുരം കോര്‍പറേഷന്‍ പരിധിയിലെ എല്ലാ സ്ഥലങ്ങളും സന്ദര്‍ശിച്ച് ബോധവല്‍കരണം നടത്തും.