തൃശൂര്‍: ജില്ലാ പഞ്ചായത്തിന്റെ ആഭിമുഖ്യത്തില്‍ മുന്‍ രാഷ്ട്രപതി എ.പി.ജെ അബ്ദുല്‍ കലാമിന്റെ ഒന്നാം ചരമവാര്‍ഷിക ദിനം ആചരിച്ചു. രാമവര്‍മപുരം വിജ്ഞാന്‍ സാഗറില്‍ നടന്ന പരിപാടി ജില്ലാ പഞ്ചായത്ത് പ്രസിഡന്റ് ഷീലാ വിജയകുമാര്‍ ഉദ്ഘാടനം ചെയ്തു.
ജില്ലാ പഞ്ചയത്തംഗവും ദേശീയ അധ്യാപക അവാര്‍ഡ് എ.പി.ജെ അബ്ദുല്‍കലാമില്‍ നിന്നും സ്വീകരിച്ച ജില്ലാ പഞ്ചയത്തംഗം കൂടിയായ പത്മജ അനുസ്മരണ പ്രഭാഷണം നടത്തി.
ജില്ലാ പഞ്ചായത്തംഗങ്ങളായ ജെന്നി ജോസഫ്, സുരേഷ് ബാബു, കല്യാണി എസ് നായര്‍, അജിതാ കൃഷ്ണന്‍, പ്രൊജക്ട് സ്‌പെഷ്യല്‍ ഓഫീസര്‍ കെ.പി കുമാരദാസന്‍ എന്നിവര്‍ സംബന്ധിച്ചു.
ചാവക്കാട് ഒരുമനയൂര്‍ ഇസ്‌ലാമിക് വൊക്കേഷണല്‍ ഹയര്‍സെക്കന്ററി സ്‌കൂളില്‍ മുന്‍ രാഷ്ട്രപതി എ.പി.ജെ അബ്ദുള്‍കലാം അനുസ്മരണസമ്മേളനം ഹെഡ്മാസ്റ്റര്‍ ടി.ഇ ജെയിംസ് ഉദ്ഘാനം ചെയ്തു.
കെ.പി സെയ്തലവി മാസ്റ്റര്‍ അധ്യക്ഷനായി. സി.വി വിന്‍സെന്റ് മാസ്റ്റര്‍ അനുസ്മരണ സന്ദേശം നല്‍കി. പ്രതിജ്ഞയും ചിത്രപ്രദര്‍ശനവും ഉണ്ടായിരുന്നു. പി.ജയലക്ഷ്മി, ലിനറ്റ് ഡേവീസ്, ടി.റസിയ എന്നിവര്‍ സംസാരിച്ചു.
ഡോ. എ.പി ജെ അബ്ദുകലാം അനുസ്മരിച്ച് സ്‌കൂളിലെ എന്‍.എസ്.എസ് വളണ്ടിയര്‍മാരുടെ നേതൃത്വത്തില്‍ ഹോംലൈബ്രറിയും ആരംഭിച്ചു. കവി രാധാകൃഷ്ണന്‍ കാക്കശ്ശേരി അബ്ദുകലാമിന്റെ അഗ്‌നിചറകുകള്‍ എന്ന പുസ്തകം എന്‍ എസ് എസ് വളണ്ടിയര്‍മാര്‍ക്ക് നല്‍കി ഉദ്ഘാടനം നിര്‍വഹിച്ചു.
ചേറ്റുവ പണിക്കവീട്ടില്‍ മുസ്തഫയുടെ വീട്ടിലാണ് ലൈബ്രറി സജ്ജീകരിച്ചിരിക്കുന്നത്. സാധാരണക്കാര്‍ക്കിടയില്‍ വയാനാശീലം വളര്‍ത്തിയെടുക്കുകയാണ് ഹോം ലൈബ്രറികൊണ്ട് ഉദ്ദേശിക്കുന്നത.്
പി.ടി.എ പ്രസിഡന്റ് ഹാരിസ് ചേറ്റുവ അധ്യക്ഷനായി. പ്രിന്‍സിപ്പാള്‍ എം.പത്മജ, അധ്യാപകരായ നിഷ ഫ്രാന്‍സിസ്, പി.എം തജ്‌രി, സി.കെ മുംതസ്, എന്‍.എസ്.എസ് വളണ്ടിയര്‍ മുവസീര്‍ എന്നിവര്‍ സംസാരിച്ചു.അന്തിക്കാട് കെ.ജി.എം.എല്‍ പി സ്‌കൂളില്‍ മുന്‍ രാഷ്ട്രപതിയും ശാസ്ത്രജ്ഞനുമായിരുന്ന എ.പി.ജെ അബ്ദുല്‍ കലാമിന്റെ അനുസ്മരണം നടത്തി.
യോഗത്തില്‍ കലാമിന്റെ ഛായാചിത്രത്തില്‍ ബ്ലോക്ക് പ്രസിഡന്റ് പി സി ശ്രീദേവി പുഷ്പാര്‍ച്ചന നടത്തി. വിദ്യാര്‍ഥികള്‍ രചിച്ച അബ്ദുല്‍ കലാം ഓര്‍മ പുസ്തകത്തിന്റെ കൈയ്യെഴുത്ത് കോപ്പിയുടെ പ്രകാശനവും അവര്‍ നിര്‍വഹിച്ചു.
അനുസ്മരണത്തോടനുബന്ധിച്ച് കര്‍ക്കിടക കഞ്ഞി വിതരണവും ഔഷധസസ്യ പ്രദര്‍ശനവും സംഘടിപ്പിച്ചിരുന്നു. സ്‌കൂള്‍ ലീഡര്‍ നാലാം ക്ലാസുകാരി അലിഷ ആന്റോക്ക് ബ്ലോക്ക് പ്രസിഡന്റ് ഔഷധക്കഞ്ഞി പകര്‍ന്നു കൊടുത്തു. പി.ടി.എ പ്രസിഡന്റ് ഗോകുല്‍ കരിപ്പിള്ളി അധ്യക്ഷനായി.
ഡോ. കെ.കെ സുരേഷ് ക്ലാസെടുത്തു. ബ്ലോക്കംഗം മേനുജ പ്രതാപന്‍, വി.എസ് ഷിവിന്‍, പ്രധാനാധ്യാപകന്‍ ജോഷി.ഡി.കൊള്ളന്നൂര്‍, ഷൈനി ടീച്ചര്‍, പി.ടി.എ അംഗങ്ങള്‍ പ്രസംഗിച്ചു.