കഠിനംകുളം: ഒന്നരക്കിലോ കഞ്ചാവുമായി യുവാവ് അറസ്റ്റില്‍. കരിമണല്‍ പുല്ലുകാട് നിമിഷാ ഭവനില്‍ നികേഷ്‌ലാല്‍ (23) ആണ് പിടിയിലായത്. തമിഴ്‌നാട്ടിലെ കമ്പം, തേനി എന്നിവിടങ്ങളില്‍ നിന്നാണ് ഇയാള്‍ കഞ്ചാവ് എടുത്തിരുന്നത്. ഇയാളുടെ സ്ഥിരം ആവശ്യക്കാരില്‍ ജില്ലയിലെ സ്‌കൂള്‍ വിദ്യാര്‍ഥികളും ഉള്‍പ്പെടുന്നുവെന്ന് പൊലിസ് പറഞ്ഞു. ഡി.സി.പി അരുള്‍ ബി. കൃഷ്ണയുടെ നിര്‍ദ്ദേശാനുസരണം കണ്‍ട്രോള്‍ റൂം എ.സി സുരേഷ്‌കുമാര്‍, സി.ഐ അജയകുമാര്‍, തുമ്പ എസ്.ഐ മനോജ്, എസ്.ഐ കുമാരന്‍ നായര്‍, സിറ്റി ഷാഡോ ടീം അംഗങ്ങള്‍ എന്നിവരടങ്ങിയ സംഘമാണ് പ്രതിയെ പിടികൂടിയത്.