തിരുവനന്തപുരം: തദ്ദേശ തെരഞ്ഞെടുപ്പില്‍ കൊവിഡ് രോഗികള്‍ക്ക് വോട്ട് ചെയ്യാന്‍ പ്രത്യേക സമയം അനുവദിക്കാന്‍ തീരുമാനം. തെരഞ്ഞെടുപ്പില്‍ കൊവിഡ് രോഗികള്‍ക്ക് അവസാന ഒരുമണിക്കൂറില്‍ വോട്ട് ചെയ്യാം. വോട്ട് ദിവസമോ അതിന് തൊട്ടുമുന്‍പുള്ള ദിവസമോ പോസിറ്റീവായവര്‍ക്കും വോട്ട് ചെയ്യാം.ഇതിനായി ഓര്‍ഡിനന്‍സ് കൊണ്ടു വരാന്‍ മന്ത്രിസഭാ യോഗത്തില്‍ തീരുമാനമായി.

പി പി ഇ കിറ്റ് ധരിച്ച് കൊവിഡ് പ്രോട്ടോകോള്‍ പാലിച്ചായിരിക്കണം വോട്ട് ചെയ്യാന്‍ എത്തേണ്ടത്.കൊവിഡ് രോഗികള്‍ക്ക് വോട്ടെടുപ്പ് നക്കുന്നതിന് മൂന്ന് ദിവസം മുമ്പ് വരെ തപാല്‍ ബാലറ്റിന് അപേക്ഷിക്കാന്‍ സാധിക്കും. അതിന് ശേഷം കൊവിഡ് ബാധിക്കുന്നവര്‍ക്കാണ് പ്രത്യേകം അനുവദിച്ച സമയത്ത് വോട്ട് ചെയ്യാന്‍ അവസരം നല്‍കുന്നത്‌.