തൃശൂര്‍: കേന്ദ്ര വാര്‍ത്താ വിതരണ പ്രക്ഷേപണ മന്ത്രാലയത്തിന്റെ അനുമതി ഇല്ലാത്ത സ്വകാര്യ ടെലിവിഷന്‍ ചാനലുകള്‍ സംപ്രേഷണം ചെയ്യുന്നതായി ശ്രദ്ധയില്‍പ്പെട്ടാല്‍ ബന്ധപ്പെട്ട കേബിള്‍ ഓപ്പറേഷന്‍മാര്‍ക്കെതിരെ കര്‍ശന നടപടിയുണ്ടാകുമെന്ന് ജില്ലാതല കേബിള്‍ മോണിറ്ററിംഗ് സമിതി അധ്യക്ഷന്‍ കൂടിയായ ജില്ലാ കളക്ടര്‍ അറിയിച്ചു. കേന്ദ്ര കേബിള്‍ ടി.വി ആക്ടിന്റെ ചട്ടങ്ങള്‍ പ്രകാരം നിയമം ലംഘിച്ച് അനുമതി ഇല്ലാത്ത ചാനലുകള്‍ സംപ്രഷണം ചെയ്യുന്ന കേബിള്‍ ഓപ്പറേറ്റര്‍മാരുടെ ഉപകരണങ്ങള്‍ പിടിച്ചെടുക്കുന്നതുള്‍പ്പെടെയുളള നടപടികള്‍ സ്വീകരിക്കും.  
ഇത് സംബന്ധിച്ച് നടപടി സ്വീകരിക്കുന്നതിന് ജില്ലാ കളക്ടര്‍, അഡീഷണല്‍ ജില്ലാ മജിസ്‌ട്രേറ്റ്, സബ് കളക്ടര്‍, ജില്ലാ പൊലിസ് മേധാവി എന്നിവര്‍ക്ക് അധികാരം നല്‍കി സര്‍ക്കാര്‍ ഉത്തരവ് പുറപ്പെടുവിച്ചിട്ടുണ്ട്.
വാര്‍ത്താ വിതരണ പ്രക്ഷേപണ മന്ത്രാലയം ഇതിനകം രാജ്യത്ത് പ്രവര്‍ത്തിക്കാന്‍ അനുമതി നല്‍കിയിട്ടുളള ടി.വി ചാനലുകളുടെ വിവരം ംംം.ാശയ.ിശര.ശി എന്ന വെബ്‌സൈറ്റില്‍ ലഭിക്കും.
പൊതുജനങ്ങള്‍ക്കും ഇത് സംബന്ധിച്ച പരാതികള്‍ ബന്ധപ്പെട്ട അധികാരികള്‍ക്ക് നല്‍കാവുന്നതാണ്.