തലശ്ശേരി: തലശ്ശേരിയിലെ ജൂബിലി റോഡില്‍ ഡൗണ്‍ടൗണ്‍ ഷോപ്പിങ് മാള്‍ 21ന് ഉദ്ഘാടനം ചെയ്യും. ഒരു ലക്ഷം സ്‌ക്വയര്‍ ഫീറ്റിലാണ് തലശ്ശേരിയുടെ ആദ്യ ഷോപ്പിങ് മാള്‍ സജ്ജമാക്കിയതെന്ന് ചെയര്‍മാന്‍ പി. മുസ്തഫ മൂസ അറിയിച്ചു.
ദേശീയ, അന്തര്‍ദേശീയ ബ്രാന്‍ഡുകള്‍ക്കു പുറമെ തലശ്ശേരിയില്‍ ആദ്യമായി സീറോഗ്രാവിറ്റി മസ്സാജ് ചെയര്‍ അവതരിപ്പിക്കുന്ന ജാസോ ഹെല്‍ത്ത് കെയര്‍ ആക്‌സസറീസിന്റെ ഷോറൂമും മാളില്‍ ഉണ്ട്. ഏഴ് നിലകളിലായി 25 ലേറെ റീട്ടെയില്‍ ഷോപ്പുകള്‍ ഒരുക്കിയിട്ടുണ്ട്.
ഒരേ സമയം 600 പേര്‍ക്ക് ഇരുന്ന് ഭക്ഷണം കഴിക്കാവുന്ന ഫുഡ് കോര്‍ട്ടും ഗെയിമുകളും റൈഡുകളും സിനിമാ തിയേറ്ററും മാളില്‍ ഒരുങ്ങിക്കഴിഞ്ഞു. വാര്‍ത്താ സമ്മേളനത്തില്‍ കെ.ടി ഷറഫുദ്ദീന്‍, അബ്ദുല്‍ ലത്തീഫ്, എം.പി ദീഷീദ്, ടി.കെ.സി അഹമ്മദ് എന്നിവരും പങ്കെടുത്തു.