ഗൂഡല്ലൂര്‍: പൊട്ടിവീണ വൈദ്യുതി കമ്പിയില്‍ നിന്ന് ഷോക്കേറ്റ് കരടി ചത്തു. കോത്തഗിരി അത്തിക്കാടിലെ സ്വകാര്യ തോട്ടത്തിലാണ് നാല് വയസ് പ്രായംതോന്നിക്കുന്ന പെണ്‍കരടി ചത്തത്. തേയില തോട്ടത്തില്‍ പൊട്ടിവീണ വൈദ്യുതി കമ്പിയില്‍ നിന്നാണ് കരടിക്ക് ഷോക്കേറ്റത്. കോത്തഗിരി റെയ്ഞ്ചര്‍ മുസ്തഫയുടെ നേതൃത്വത്തിലുള്ള വനപാലക സംഘം സ്ഥലത്തെത്തി തുടര്‍നടപടി സ്വീകരിച്ചു. ഡോ. വിജയരാഘവന്‍ പോസ്റ്റ്‌മോര്‍ട്ടം നടത്തി.