മുട്ടില്‍: മുട്ടില്‍ വയനാട് ഓര്‍ഫനേജ് വൊക്കേഷനല്‍ ഹയര്‍സെക്കന്‍ഡറി സ്‌കൂളില്‍ നിന്നും പാഠ്യ-പാഠ്യേതര മേഖലകളില്‍ മികവ് തെളിയിച്ച പ്രതിഭകളെയും സ്‌കൗട്ട് ആന്‍ഡ് ഗൈഡ് രാജ്യപുരസ്‌കാര്‍ ജേതാക്കളെയും ആദരിക്കുന്ന സ്‌കോളേഴ്‌സ് മീറ്റ് സംഘടിപ്പിക്കുന്നു. പി.ടി.എയുടെ നേതൃത്വത്തില്‍ നടക്കുന്ന സ്‌കോളേഴ്‌സ് മീറ്റ് നാളെ കാലത്ത് 10ന് ജില്ലാ കലക്ടര്‍ കേശവേന്ദ്രകുമാര്‍ ഉദ്ഘാടനം ചെയ്യും. സംസ്ഥാന തലത്തില്‍ നടത്തിയ രാജ്യ പുരസ്‌കാര്‍ ടെസ്റ്റില്‍ ജില്ലയില്‍ നിന്ന് കൂടുതല്‍ വിദ്യാര്‍ഥികളെ പരീക്ഷക്കിരുത്തി മികച്ച വിജയം നേടിയ സ്ഥാപനത്തിനുള്ള പുരസ്‌കാരം കലക്ടര്‍ സമ്മാനിക്കും. പരീക്ഷകളില്‍ ഉന്നത വിജയം നേടിയവര്‍ക്കുള്ള അവാര്‍ഡുകള്‍ എ.എം നജീം, എം.എ മുഹമ്മദ് ജമാല്‍, കെ.കെ അഹമ്മദ് ഹാജി എന്നിവര്‍ വിതരണം ചെയ്യും. നജീബ് കാരാടന്‍ അധ്യക്ഷനാവും. ബിനുമോള്‍ ജോസ്, പി അബ്ദുല്‍ ജലീല്‍ സംസാരിക്കും. പി.വി മൊയ്തു സ്വാഗതവും സീനിയര്‍ അസിസ്റ്റന്റ് ജെസിപോള്‍ നന്ദിയും പറയും.