കണ്ണൂര്‍: സഹകരണ ജീവനക്കാരുടെ സംഘടനയായ കോഓപ്പറേറ്റീവ് എംപ്ലോയീസ് യൂനിയന്‍ സംസ്ഥാന സമ്മേളനം നാളെ മുതല്‍ 22വരെ കണ്ണൂര്‍ ജില്ലാബാങ്ക് ഓഡിറ്റോറിയത്തില്‍ നടക്കും. രാവിലെ 10ന് സി.ഐ.ടി.യു സംസ്ഥാന ജനറല്‍ സെക്രട്ടറി എളമരം കരീം ഉദ്ഘാടനം ചെയ്യും. വൈകുന്നേരം പൊതുസമ്മേളനം എല്‍.ഡി.എഫ്. കണ്‍വീനര്‍ വൈക്കം വിശ്വന്‍ ഉദ്ഘാടനം ചെയ്യും. 21ന് ആദ്യകാല നേതാക്കളെ ആദരിക്കും. ടി.വി രാജേഷ് എം.എല്‍.എ ഉദ്ഘാടനം ചെയ്യും. വൈകുന്നേരം മൂന്നിന് സഹകരണ സമ്മേളനം മന്ത്രി കടകംപള്ളി സുരേന്ദ്രന്‍ ഉദ്ഘാടനം ചെയ്യും. 22ന് യാത്രയയപ്പ് സമ്മേളനം. വാര്‍ത്താസമ്മേളനത്തില്‍ കെ.പി സഹദേവന്‍, എന്‍.വി അജയകുമാര്‍, എം.പ്രകാശന്‍, പി. മുകുന്ദന്‍, എസ്.ടി ജയ്‌സണ്‍ പങ്കെടുത്തു.