ചെന്നൈ: സംഘ്പരിവാര്‍ എതിര്‍പ്പിനെ തുടര്‍ന്ന് പ്രമുഖ എഴുത്തുകാരി അരുന്ധതി റോയിയുടെ പുസ്തകം സിലബസില്‍ നിന്ന് പിന്‍വലിച്ച് സര്‍വകലാശാല. തിരുനല്‍വേലിയിലെ മനോമണിയന്‍ സുന്ദരാനന്‍ സര്‍വകലാശാലയാണ് അരുന്ധതി റോയിയുടെ 'വാക്കിംഗ് വിത്ത് ദി കോമ്രേഡ്സ്' എന്ന പുസ്തകം പിന്‍വലിച്ചത്.

ഇംഗ്ലീഷ് ബിരുദാനന്തര ബിരുദ സിലബസില്‍ പാഠ്യവിഷയമായി പുസ്തകം ഉള്‍പ്പെടുത്തിയിരുന്നു. മാവോവാദികളുടെ ഒളിത്താവളങ്ങള്‍ സന്ദര്‍ശിച്ച ശേഷം അരുന്ധതി റോയ് എഴുതിയ പുസ്തകമാണ് 'വാക്കിംഗ് വിത്ത് ദി കോമ്രേഡ്സ്'. ഇതിനെതിരെ എ.ബി.വി.പി രംഗത്തെത്തിയിരുന്നു. അരുന്ധതി റോയ് പുസ്തകത്തില്‍ മാവോവാദികളെ മഹത്വവത്ക്കരിക്കുന്നുവെന്ന് കാണിച്ച് ഒരാഴ്ച മുന്‍പ് നോട്ടിസ് പതിപ്പിക്കുകയായിരുന്നു. തുടര്‍ന്ന് വൈസ് ചാന്‍സലറുടെ നേതൃത്വത്തില്‍ യോഗം വിളിച്ച് പുസ്തകം പിന്‍വലിക്കാന്‍ തീരുമാനിക്കുകയായിരുന്നു.

2017 മുതലാണ് പുസ്തകം സിലബസില്‍ ഉള്‍പ്പെടുത്തിയത്.