പാലക്കാട്: അനധികൃതമായി വിദേശമദ്യ വില്‍പനക്കെത്തിയയാളെ ടൗണ്‍ നോര്‍ത്ത് പൊലിസ് അറസ്റ്റു ചെയ്തു. പാലക്കാട് ചെട്ടിത്തെരുവ് സ്വദേശി മോഹന്‍ രാജിനെ(62) നെയാണ് സ്റ്റേഡിയം ബസ്സ്റ്റാന്‍ഡ് പരിസരത്തു വച്ച് രഹസ്യവിവരത്തിന്റെ അടിസ്ഥാനത്തില്‍ ടൗണ്‍ നോര്‍ത്ത് പ്രൊബേഷണറി എസ്.ഐ പ്രദീപ് കുമാറും സംഘവും അറസ്റ്റു ചെയ്തത്. പ്രതിയുടെ പക്കല്‍നിന്ന് അഞ്ച് ലിറ്റര്‍ ഇന്ത്യന്‍ നിര്‍മിത വിദേശമദ്യക്കുപ്പികള്‍ പൊലിസ് കസ്റ്റഡിയിലെടുത്തു. പ്രതിയെ നാളെ കോടതിയില്‍ ഹാജരാക്കും. അഡീഷണല്‍ എസ്.ഐ സുരേന്ദ്രരന്‍, ജലീല്‍, ഷാഹുല്‍ ഹമീദ് വിനീഷ്, രജീദ് എന്നിവരടങ്ങിയ സംഘമാണ് പ്രതിയെ പിടികൂടിയത്.