ലീഡ്‌സ്: ഈ ലോകകപ്പിലെ ഇംഗ്ലണ്ടിന്റെ തേരോട്ടത്തിന് സഡന്‍ ബ്രേക്കിട്ട് ലങ്ക. 233 റണ്‍സെന്ന വിജയലക്ഷ്യം അനായാസം മറിക്കടക്കാനിറങ്ങയ ഇംഗ്ലീഷ് ബാറ്റിങ് നിരയെ വരിഞ്ഞുമുറുകി ലങ്കന്‍ ബൗളര്‍മാര്‍. 20 റണ്‍സിനാണ് ലങ്കയുടെ വിജയം. നാലു വിക്കറ്റ് നേടിയ മലിംഗയും മൂന്നു വിക്കറ്റ് നേടിയ ധനഞ്ജയ ഡി സില്‍വയുമാണ് ഇംഗ്ലണ്ടിനെ തകര്‍ത്തത്. ഇംഗ്ലണ്ട് നിരയില്‍ ജോ റൂട്ടിനും (57), ബെന്‍ സ്‌റ്റോക്(82*)സിനും മാത്രമേ തിളങ്ങാനായുള്ളൂ.

നേരത്തെ ടോസ് നേടിയ ലങ്ക ബാറ്റിങ് തിരഞ്ഞെടുക്കുകയായിരുന്നു. തുടക്കം മുതല്‍ ഒടുക്കം വരെ പാളിയ ലങ്കയ്ക്ക്. തുണയായത് 85* റണ്‍സെടുത്ത എയ്ഞ്ചലോ മാത്യൂസിന്റെ ഇന്നിങ്‌സാണ്. മറുഭാഗത്ത് വിക്കറ്റുകള്‍ ഓരോന്നായി വീഴുമ്പോഴും ക്രീസില്‍ ഉറച്ചുനിന്ന മാത്യൂസ് ലങ്കയെ പൊരുതാവുന്ന സ്‌കോറിലെത്തിച്ചു. ലങ്കന്‍ നിരയില്‍ അവിഷ്‌ക ഫെര്‍നാന്‍ഡോ (49), കുശാല്‍ മെന്‍ഡിസ്(46), ധനഞ്ജയ ഡി സില്‍വ(29) എന്നിവര്‍ക്കു മാത്രമേ രണ്ടക്കം കടക്കാനായുള്ളൂ. ഇംഗ്ലണ്ടിനു വേണ്ടി ജോഫ്രാ ആര്‍ച്ചറും മാര്‍ക്ക് വുഡും മൂന്നു വീതം വിക്കറ്റുകള്‍ നേടി.ലീഡ്‌സിലെ ഗ്രൗണ്ടില്‍ ആദ്യം ബാറ്റ് ചെയ്യുന്ന ടീമിന്റെ ശരാശരി സ്‌കോര്‍ 226. ഇന്നലെ ലങ്ക നേടിയത് 232-9 റണ്‍സ്. ആറു റണ്‍സധികം. രണ്ടാമതു ബാറ്റ് ചെയ്യുന്ന ടീമിന്റെ ശരാശരി സ്‌കോര്‍ 206. ഇംഗ്ലണ്ട് നേടിയത് 212 റണ്‍സ്. ആറു റണ്‍സധികം.