കൊച്ചി: മഹാരാജാസ് കോളേജ് വിദ്യാര്‍ത്ഥിയും എസ്.എഫ്.ഐ പ്രവര്‍ത്തകനുമായ അഭിമന്യുവിനെ കൊലപ്പെടുത്തിയ കേസില്‍ പ്രധാനപ്രതികളിലൊരാള്‍ അറസ്റ്റില്‍. ക്യാംപസ് ഫ്രണ്ട് എറണാകുളം ജില്ലാ പ്രസിഡന്റ് ആരിഫ് ബിന്‍ സലാമാണ് അറസ്റ്റിലായത്.

മഹാരാജാസ് കോളജിലേക്ക് അക്രമികളെ സംഘടിപ്പിച്ച് എത്തിച്ചത് സലാമാണെന്ന് നേരത്തെ തെളിഞ്ഞിരുന്നു.കൊലപാതകസമയത്ത് ഇയാളും സ്ഥലത്തുണ്ടായിരുന്നുവെന്നും പൊലിസ് സ്ഥിരീകരിച്ചിട്ടുണ്ട്. പൊലിസ് അന്വേഷണം ആരംഭിച്ചപ്പോള്‍ മുതല്‍ ഇയാള്‍ ഒളിവിലായിരുന്നു.

കേസില്‍ ആകെ മുപ്പത് പ്രതികളാണുള്ളത്. ഇയാള്‍ ഉള്‍പ്പെടെ കേസിലെ പ്രധാനപ്പെട്ട എട്ടു പ്രതികള്‍ക്കെതിരെ പൊലിസ് കഴിഞ്ഞ ദിവസം ലുക്ക്ഔട്ട് നോട്ടിസ് പുറപ്പെടുവിച്ചിരുന്നു.