ഹിദായനഗര്‍(ചെമ്മാട്): സമന്വയ സംവിധാനം സാധിച്ചെടുത്ത വിദ്യാഭ്യാസവിപ്ലവം രാജ്യത്തെ മുസ്‌ലിം സമുദായത്തിന്റെ സാമൂഹിക സാംസ്‌കാരിക മുന്നേറ്റത്തിനു പുതിയ ദിശ നല്‍കുമെന്നു പാണക്കാട് സയ്യിദ് ഹൈദരലി ശിഹാബ് തങ്ങള്‍. ദാറുല്‍ഹുദാ ഇസ്‌ലാമിക് യൂനിവേഴ്‌സിറ്റിക്കു കീഴിലുള്ള സെക്കന്‍ഡണ്ടറി വിഭാഗത്തിലേക്കു പുതുതായി പ്രവേശനം ലഭിച്ച വിദ്യാര്‍ഥികളുടെ പ്രവേശനോത്സവത്തിന്റെ സംസ്ഥാനതല ഉദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം. സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി അധ്യക്ഷനായി. വി.സി ഡോ. ബഹാഉദ്ദീന്‍ മുഹമ്മദ് നദ്‌വി വിദ്യാര്‍ഥികള്‍ക്ക് ആദ്യപാഠം ചൊല്ലിക്കൊടുത്തു. ചെമ്മുക്കന്‍ കുഞ്ഞാപ്പു ഹാജി, കെ.എം.സൈദലവി ഹാജി കോട്ടക്കല്‍, യു.ശാഫി ഹാജി ചെമ്മാട്, സയ്യിദ് ഫഖ്‌റുദ്ദീന്‍ തങ്ങള്‍ കണ്ണന്തളി, കെ.സി മുഹമ്മദ് ബാഖവി, സി. യൂസുഫ് ഫൈസി, ഹംസ ഹാജി മൂന്നിയൂര്‍  തുടങ്ങിയവര്‍ സംബന്ധിച്ചു
ദാറുല്‍ഹുദാ കാമ്പസില്‍ മലയാള മീഡിയത്തിലേക്ക് 88 വിദ്യാര്‍ഥികളും ഉര്‍ദു മീഡിയത്തിലേക്ക് ഡല്‍ഹി, മേഘാലയ, ജാര്‍ഖണ്ഡ്, യു.പി, ബീഹാര്‍, മഹാരാഷ്ട്ര തുടങ്ങിയ സംസ്ഥാനങ്ങളില്‍ നിന്നായി 60 വിദ്യാര്‍ഥികളുമാണ് പുതിയ അധ്യയനവര്‍ഷം പ്രവേശനം നേടിയത്. ദാറുല്‍ഹുദായുടെ വിവിധ യു.ജി സ്ഥാപനങ്ങളില്‍ സയ്യിദ് അബ്ബാസലി ശിഹാബ് തങ്ങള്‍, സയ്യിദ് മുഹമ്മദ്‌കോയ തങ്ങള്‍ ജമലുല്ലൈലി, സയ്യിദ് മശ്ഹൂര്‍ ആറ്റക്കോയ തങ്ങള്‍, വാവാട് കുഞ്ഞിക്കോയ മുസ്‌ലിയാര്‍, സി.എച്ച് ബാപ്പുട്ടി മുസ്‌ലിയാര്‍ പറപ്പൂര്‍, അയിനിക്കാട് മുഹമ്മദ് മുസ്‌ലിയാര്‍, സയ്യിദ് അലി ഹാശിം നദ്‌വി, അബ്ദുന്നാസ്വിര്‍ ലത്വീഫി, ജലീല്‍ റഹ്മാനി വാണിയന്നൂര്‍, ഉണ്ണിക്കോയ തങ്ങള്‍ പാണ്ടിക്കാട്,  ശിഹാബുദ്ദീന്‍ ഫൈസി കാപ്പാട് തുടങ്ങിയവര്‍ വിദ്യാര്‍ഥികള്‍ക്ക് ആദ്യപാഠം ചൊല്ലിക്കൊടുത്തു.