മനുഷ്യാവകാശ കമ്മിഷനു റിപ്പോര്‍ട്ട് സമര്‍പ്പിച്ചു

backup

May 18 2017 | 21:05 PM

%e0%b4%ae%e0%b4%a8%e0%b5%81%e0%b4%b7%e0%b5%8d%e0%b4%af%e0%b4%be%e0%b4%b5%e0%b4%95%e0%b4%be%e0%b4%b6-%e0%b4%95%e0%b4%ae%e0%b5%8d%e0%b4%ae%e0%b4%bf%e0%b4%b7%e0%b4%a8%e0%b5%81-%e0%b4%b1%e0%b4%bf-2

കണ്ണൂര്‍: ഏഴിമല നാവിക അക്കാദമിയിലെ മാലിന്യപ്രശ്‌നം സംബന്ധിച്ച പരാതിയില്‍ റിപ്പോര്‍ട്ട് ആവശ്യപ്പെട്ട മനുഷ്യാവകാശ കമ്മിഷന്‍ മുമ്പാകെ കലക്ടര്‍, ജില്ലാ പൊലിസ് മേധാവി, ജില്ലാ മെഡിക്കല്‍ ഓഫിസര്‍, അക്കാദമി കമാന്‍ഡന്റ്, രാമന്തളി പഞ്ചായത്ത് സെക്രട്ടറി എന്നിവര്‍ റിപ്പോര്‍ട്ട് സമര്‍പ്പിച്ചു. ആക്ഷേപം ബോധിപ്പിക്കുന്നതിനായി റിപ്പോര്‍ട്ടിന്റെ പകര്‍പ്പ് പരാതിക്കാരനു കൈമാറിയശേഷം കേസ് പരിഗണിക്കുന്നതു കമ്മിഷന്‍ മറ്റൊരു ദിവസത്തേക്കു മാറ്റി.
കണ്ണൂര്‍ ഗസ്റ്റ്ഹൗസില്‍ മനുഷ്യാവകാശ കമ്മിഷന്‍ ആക്ടിങ് ചെയര്‍മാന്‍ പി. മോഹനദാസിന്റെ നേതൃത്വത്തില്‍ നടന്ന സിറ്റിങില്‍ 41 കേസുകള്‍ പരിഗണിച്ചതില്‍ നാലെണ്ണം തീര്‍പ്പായി. ബാക്കിയുള്ളവ തുടര്‍നടപടികള്‍ക്കായി മാറ്റി.
എംപ്ലോയിസ് ഇന്‍ഷുറന്‍സ് പരിധിയില്‍ വരുന്ന തൊഴിലാളികള്‍ക്കു മികച്ച വൈദ്യസഹായം ലഭിക്കുന്നതിന് എന്‍.എ.ബി.എച്ച് അംഗീകാരമുള്ള ആശുപത്രികളുടെ അഭാവമുള്ളതിനാല്‍ തോട്ടടയിലെ ഇ.എസ്.ഐ ആശുപത്രി സൂപ്പര്‍ സ്‌പെഷാലിറ്റിയായി ഉയര്‍ത്തണമെന്നാവശ്യപ്പെട്ട് ധര്‍മന്‍ എന്നയാള്‍ നല്‍കിയ പരാതിയില്‍ ഇ.എസ്.ഐ ജോയിന്റ് ഡയറക്ടറില്‍ നിന്നു റിപ്പോര്‍ട്ട് തേടാനും കമ്മിഷന്‍ ഉത്തരവിട്ടു.

Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."