തൃശൂര്‍: തനിക്കെതിരായ പരാമര്‍ശമടങ്ങിയ ലേഖനമെഴുതിയെന്ന പേരില്‍ സ്വാമി വിശ്വഭദ്രാനന്ദ ശക്തിബോധിക്കെതിരേ കൊളത്തൂര്‍ അദ്വൈതാശ്രമത്തിലെ സ്വാമി ചിദാനന്ദപുരി വക്കീല്‍നോട്ടിസയച്ചു. 'സ്വാമി ചിദാനന്ദപുരി അദ്വൈതിയല്ല, ആര്‍.എസ്.എസുകാരനാണ് 'എന്ന തലക്കെട്ടില്‍ ഏപ്രില്‍ 23ന് ഒരു പത്രത്തില്‍ പ്രസിദ്ധീകരിച്ച ലേഖനത്തിനെതിരേയാണു നോട്ടിസ്.
ഖുര്‍ആന്‍ നിരോധിക്കണം എന്നാവശ്യപ്പെട്ടു കല്‍ക്കത്താ ഹൈക്കോടതി മുന്‍പാകെ 1985 ല്‍ ചന്ദ്മല്‍ ചോപ്ര എന്നയാള്‍ സമര്‍പ്പിച്ച ഹരജിയുടെയും കല്‍ക്കത്താ ഖുര്‍ആന്‍ പെറ്റീഷന്‍ എന്നപേരില്‍ സീതാറാം ഗോയല്‍ എഴുതിയ ഗ്രന്ഥത്തെയും അടിസ്ഥാനമാക്കി സ്വാമി ചിദാനന്ദപുരി നടത്തിയ പ്രസംഗത്തെ വിമര്‍ശിച്ചുകൊണ്ടാണ് സ്വാമി വിശ്വഭദ്രാനന്ദ ശക്തിബോധി ലേഖനമെഴുതിയത്.
ഖുര്‍ആന്‍ നിരോധിക്കണമെന്ന വാദഗതി ഉയര്‍ത്തുന്ന ചിദാനന്ദപുരി അദ്വൈതിയല്ല, ആര്‍.എസ്.എസുകാരനാണെന്നാണ് ലേഖനത്തില്‍ പരാമര്‍ശിച്ചിരുന്നത്.