കൊച്ചി: കന്യാസ്ത്രീയുടെ പീഡന പരാതിയില്‍ ബിഷപ്പ് ഫ്രാങ്കോ മുളയ്ക്കലിനെ രണ്ടാം ദിവസവും ചോദ്യം ചെയ്തതിനു ശേഷം വിട്ടയച്ചു. ഏഴ് മണിക്കൂറു നേരത്തെ ചോദ്യം ചെയ്യലിന് ശേഷമാണ് രണ്ടാം ദിവസവും വിട്ടയച്ചത്. എന്നാല്‍, പരാതിയിന്മേല്‍ ബിഷപ്പിന്റെ അറസ്റ്റില്‍ തീരുമാനമെടുക്കാല്‍ പോലിസിന് കഴിഞ്ഞിട്ടില്ല.

തൃപ്പൂണിത്തുറയിലെ ഹൈടെക് സെല്ലില്‍ വച്ചാണ് രണ്ടാം ദിവസവും ബിഷപ്പിനെ ചോദ്യം ചെയ്തത്. ചോദ്യങ്ങള്‍ക്ക് ബിഷപ്പിന്റെ മറുപടികള്‍ തൃപ്തികരമല്ലെന്നാണ് അന്വേഷണസംഘം നല്‍കുന്ന സൂചന. ചോദ്യം ചെയ്യല്‍ വെള്ളിയാഴ്ചയും തുടുരുമെന്ന് കോട്ടയം എസ്.പി ഹരിശങ്കര്‍. പല മൊഴികളിലും വ്യക്തത വരാനുണ്ട്. വിശദമായ പരിശോധന ആവശ്യമാണ്. ചോദ്യം ചെയ്യുന്ന ഈ വേളയില്‍ അറസ്റ്റ് ചെയ്യാനാവില്ലെന്ന് കോട്ടയം എസ്.പി അറിയിച്ചു. അന്വേഷണം പൂര്‍ത്തിയായാല്‍ മാത്രമേ അറസ്റ്റില്‍ തീരുമാനമെടുക്കൂവെന്നും എസ്.പി പറഞ്ഞു.