കൊച്ചി: ഫ്രാങ്കോ മുളയ്ക്കലിനെ ജലന്ധര്‍ രൂപതയുടെ ചുമതലകളില്‍നിന്ന് മാറ്റിയതില്‍ സന്തോഷമുണ്ടെന്ന് സിസ്റ്റര്‍ അനുപമ. സഭ ഒപ്പം നില്‍ക്കുന്നതില്‍ സന്തോഷമുണ്ട്. ഇത് തങ്ങളുടെ ആദ്യവിജയമായാണ് കാണുന്നതെന്നും സിസ്റ്റര്‍ പറഞ്ഞു.
ഹൈക്കോടതി ജങ്ഷനിലെ വഞ്ചി സ്‌ക്വയറിലെ സമരപ്പന്തലിലാണ് സിസ്റ്റര്‍ മാധ്യമങ്ങളോട് പ്രതികരിച്ചത്. തങ്ങള്‍ക്ക് നീതി ലഭിക്കുമെന്ന പ്രതീക്ഷയുണ്ടെന്നും അതുവരെ സമരം തുടരുമെന്നും സിസ്റ്റര്‍ ഇന്നലെയും ആവര്‍ത്തിച്ചു.
മറ്റ് നാലു കന്യാസ്ത്രീകള്‍ക്കൊപ്പമാണ് സിസ്റ്റര്‍ അനുപമ ഫ്രാങ്കോയെ അറസ്റ്റ്‌ചെയ്യണമെന്നാവശ്യപ്പെട്ട് സമരം നടത്തുന്നത്.