സുല്‍ത്താന്‍ ബത്തേരി: വയനാട്ടില്‍ നടക്കുന്ന 24മത് സംസ്ഥാന സബ്ജൂനിയര്‍ നെറ്റ്‌ബോള്‍ ചാംപ്യന്‍ഷിപ്പില്‍ ഇന്ന് സെമി ഫൈനല്‍, ഫൈനല്‍ മത്സരങ്ങള്‍ അരങ്ങേറും. ആണ്‍കുട്ടികളുടെ വിഭാഗത്തില്‍ ആതിഥേയരായ വയനാട്, തിരുവനന്തപുരത്തെയാണ് ആദ്യ സെമിയില്‍ നേരിടുക. രണ്ടാം സെമിയില്‍ മലപ്പുറം പത്തനംതിട്ടയുമായും ഏറ്റുമുട്ടും. കഴിഞ്ഞ വര്‍ഷത്തെ റണ്ണറപ്പുകളായ തൃശൂരിനെയും ശക്തരായ കോട്ടയത്തെയും തകര്‍ത്താണ് വയനാട് സെമിയിലേക്ക് മുന്നേറിയത്. തിരുവനന്തപുരം കൊല്ലത്തെയും കണ്ണൂരിനെയും പരാചയപ്പെടുത്തി. പത്തനംതിട്ട ഇടുക്കിയെയും കോഴിക്കോടിനെയും തകര്‍ത്ത് സെമിയില്‍ പ്രവേശിച്ചപ്പോള്‍ പാലക്കാടിനെയും ആലപ്പുഴയെയും തകര്‍ത്താണ് മലപ്പുറം അവസാന നാലില്‍ ഇടം നേടിയത്. പെണ്‍കുട്ടികളുടെ വിഭാഗത്തില്‍ ആദ്യ സെമിയില്‍ തൃശൂര്‍ തിരുവനന്തപുരത്തെയും രണ്ടാം സെമിയില്‍ മലപ്പുറം എറണാകുളത്തെയും നേരിടും. പെണ്‍കുട്ടികളില്‍ തൃശൂര്‍, പാലക്കാടിനെയും കാസര്‍ഗോഡിനെയും തകര്‍ത്ത് സെമയില്‍ പ്രവേശിച്ചു. തിരുവനന്തപുരം ആലപ്പുഴയെയും പത്തനംതിട്ടയെയുമാണ് പരാചയപ്പെടുത്തിയത്. മലപ്പുറം ഇടുക്കിയെയും ആതിഥേയരായ വയനാടിനെയും തകര്‍ത്ത് സെമിയിലേക്ക് മുന്നേറിയപ്പോള്‍ കണ്ണൂരിനെയും കോഴിക്കോടിനെയും തകര്‍ത്താണ് എറണാകുളം അവാസന നാലില്‍ പ്രവേശിച്ചത്.