ഹവായി: യു.എസിലെ ഹവായി ദ്വീപില്‍ ഇരട്ട എന്‍ജിന്‍ വിമാനം തകര്‍ന്ന് വിമാനത്തിലുണ്ടായിരുന്ന ഒന്‍പതു യാത്രക്കാരും മരിച്ചു. വിമാനം പറന്നുയര്‍ന്ന ഉടനെ പ്രാദേശികസമയം വൈകീട്ട് 6.30നായിരുന്നു അപകടം. എന്നാല്‍ വിമാനം താവളത്തില്‍ ഇറങ്ങുമ്പോഴായിരുന്നു അപകടമെന്ന് ദൃക്‌സാക്ഷിയെ ഉദ്ധരിച്ച് റിപ്പോര്‍ട്ടു ചെയ്യപ്പെടുന്നു. ഹവായി അധികൃതര്‍ അന്വേഷണം പ്രഖ്യാപിച്ചിട്ടുണ്ട്.