ന്യൂഡല്‍ഹി: പോളണ്ടില്‍ നടന്ന അണ്ടര്‍ 20 ലോക ചാംപ്യന്‍ഷിപ്പില്‍ റെക്കോര്‍ഡോടെ സ്വര്‍ണം നേടിയ ജാവലിന്‍ ത്രോ താരം നീരജ് ചോപ്രയെ കേന്ദ്ര കായിക മന്ത്രി വിജയ് ഗോയല്‍ അഭിനന്ദിച്ചു. മന്ത്രി നേരിട്ടെത്തിയാണ് നീരജിനെ അഭിനന്ദിച്ചത്. നീരജ് മികച്ച താരമാണെന്നും അദ്ദേഹത്തെ കുറിച്ച് അഭിമാനമുണ്ടെന്നും ഗോയല്‍ വ്യക്തമാക്കി. ലണ്ടന്‍ ഒളിംപിക്‌സിലുണ്ടായിരുന്ന റെക്കോര്‍ഡാണ് അദ്ദേഹം തകര്‍ത്തത്. നീരജിനു റിയോക്ക് യോഗ്യത നേടാനാവത്തതില്‍ വിഷമമുണ്ട്. യോഗ്യതാ മത്സരങ്ങള്‍ നടക്കുന്ന സമയത്ത് അദ്ദേഹത്തിന് പരുക്കുണ്ടായിരുന്നു. എന്നാല്‍ 2020ലെ ടോക്യോ ഒളിംപിക്‌സില്‍ അദ്ദേഹം മെഡല്‍ നേടി രാജ്യത്തിന്റെ യശസ് ഉയര്‍ത്തുമെന്നും മന്ത്രി കൂട്ടിച്ചേര്‍ത്തു.