വാണിമേല്‍: കവിയും അധ്യാപകനുമായ കുന്നത്ത് മൊയ്തുവിനെക്കുറിച്ച് തയാറാക്കിയ 'മ്മ്‌ടെ മൊയ്തു മാഷ്' ഡോക്യുമെന്ററിയുടെ പ്രകാശനവും പ്രദര്‍ശനവും 20ന് നടക്കും.
വൈകിട്ട് ഏഴിനു വാണിമേല്‍ ക്രസന്റ് സ്‌കൂള്‍ ഓഡിറ്റോറിയത്തില്‍ വച്ച് മുല്ലപ്പള്ളി രാമചന്ദ്രന്‍ എം.പി പാറക്കല്‍ അബ്ദുല്ല എം.എല്‍.എക്ക് നല്‍കി ഡോക്യുമെന്ററി പ്രകാശനം ചെയ്യും. വാണിമേല്‍ ക്രസന്റ് സ്‌കൂള്‍ പൂര്‍വവിദ്യാര്‍ഥികള്‍ക്കു വേണ്ടി ഇസ്മായില്‍ വാണിമേല്‍ സംവിധാനം ചെയ്ത ഡോക്യുമെന്ററി ഏകോപനം കെ.വി നൗഫലും നിര്‍മാണം സി.വി മൂസയുമാണ്. ചടങ്ങില്‍ കുഞ്ഞിക്കണ്ണന്‍ വാണിമേല്‍ ഡോക്യുമെന്ററിയുടെ റിവ്യു നടത്തും. തുടര്‍ന്ന് മികച്ച വിജയം നേടിയ വിദ്യാര്‍ഥികള്‍ക്കുള്ള ഉപഹാരം ഇ.കെ വിജയന്‍ എം.എല്‍.എ സമര്‍പ്പിക്കും.