മാവൂര്‍: വാര്‍ഡിലെ മുഴുവന്‍ പേരുടെയും ഫോണ്‍ നമ്പറുകളും സമഗ്ര വിവരങ്ങളുമുള്‍പ്പെടുത്തി പെരുവയല്‍ പഞ്ചായത്ത് പന്ത്രണ്ടാം വാര്‍ഡ് വികസനസമിതിയുടെ ഡയരക്ടറി.
വാര്‍ഡിലെ പൊതുകൂട്ടായ്മകള്‍ക്ക് കരുത്ത് പകര്‍ന്നും വിവര കൈമാറ്റങ്ങള്‍ എളുപ്പമാക്കുകയും ചെയ്യുന്ന രൂപത്തിലാണ് ഡയരക്ടറി തയാറാക്കിയത്. വാര്‍ഡ് വികസനസമിതി, അയല്‍സഭകള്‍, അങ്കണവാടി, സപ്പോര്‍ട്ടിങ് കമ്മിറ്റി തുടങ്ങിയ കമ്മിറ്റി അംഗങ്ങളുടെയും കുടിവെള്ള കമ്മിറ്റി, സാംസ്‌കാരിക സംഘടനകള്‍, ആരാധനാലയങ്ങള്‍, രാഷ്ട്രീയപാര്‍ട്ടികള്‍ എന്നിവയുടെ ഭാരവാഹികളുടെ ഫോട്ടോകളും ഡയരക്ടറിയില്‍ ഉള്‍കൊള്ളിച്ചിട്ടുണ്ട്. ബ്ലോക്ക് പഞ്ചായത്ത് പ്രസിഡന്റ് രമ്യാ ഹരിദാസിന് കോപ്പി നല്‍കി അഡ്വ. പി.ടി.എ റഹീം എം.എല്‍.എ ഡയരക്ടറി പ്രകാശനം ചെയ്തു. വാര്‍ഡ് മെംബര്‍ പി.കെ ഷറഫുദ്ദീന്‍ അധ്യക്ഷനായി. പഞ്ചായത്ത് വൈസ് പ്രസിഡന്റ് കുന്നുമ്മല്‍ ജുമൈല, സ്റ്റാന്‍ഡിങ് കമ്മിറ്റി ചെയര്‍മാന്‍ സുബിത തോട്ടാഞ്ചേരി, വാര്‍ഡ് സമിതി കണ്‍വീനര്‍ കുന്നുമ്മല്‍ സുലൈഖ, എം.സി സൈനുദ്ദീന്‍, വി.കെ മാമു, നസീബാ റായ്, എ. കുഞ്ഞിരായിന്‍, എന്‍. ഉസ്മാന്‍, പി.എം സൈതലവി ഹാജി, എ. മുഹമ്മദ് കുട്ടി, പി.കെ സുകുമാരി സംബന്ധിച്ചു.