തിരൂരങ്ങാടി: ദാറുല്‍ഹുദാ ഇസ്‌ലാമിക സര്‍വകലാശാലയുടെ സെക്കന്‍ഡറി ഒന്നാം വര്‍ഷത്തിലേക്ക് പ്രവേശനം ലഭിച്ച വിദ്യാര്‍ഥികളുടെ പ്രവേശനോത്സവം നാളെ വാഴ്‌സിറ്റിയിലും ഇതര യു.ജി കോളജുകളിലുമായി നടക്കും. സംസ്ഥാനതല ഉദ്ഘാടനം നാളെ രാവിലെ പത്തിന് വാഴ്‌സിറ്റിയില്‍ ചാന്‍സലര്‍ പാണക്കാട് സയ്യിദ് ഹൈദരലി ശിഹാബ് തങ്ങള്‍ നിര്‍വഹിക്കും. സമസ്ത പ്രസിഡന്റ് സയ്യിദ് ജിഫ്‌രി മുത്തുക്കോയ തങ്ങള്‍, വൈസ് ചാന്‍സലര്‍ ഡോ. ബഹാഉദ്ദീന്‍ മുഹമ്മദ് നദ്‌വി, കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി എന്നിവര്‍ സംബന്ധിക്കും.
സംസ്ഥാനത്ത് ദാറുല്‍ഹുദായിലും വിവിധ യു.ജി കോളജുകളിലുമായി 850 ലധികം വിദ്യാര്‍ഥികള്‍ക്കാണ് ഇത്തവണ പ്രവേശനം ലഭിച്ചത്. ദാറുല്‍ഹുദായുടെ നാഷനല്‍ ഇന്‍സ്റ്റിറ്റിയൂഷനു കീഴിലുള്ള വാഴ്‌സിറ്റിയിലെയും ഇതര സംസ്ഥാനങ്ങളിലെ ഓഫ് കാംപസുകളിലെയും യു.ജി കോളജുകളിലെയും പുതിയ ബാച്ചിലേക്ക് 438 വിദ്യാര്‍ഥികള്‍ക്കാണ് പ്രവേശനം നല്‍കിയത്.