മുംബൈ: അന്താരാഷ്ട്ര യോഗാ ദിനത്തില്‍ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ചെയ്ത ട്വീറ്റിനെതിരേ പൊലിസില്‍ പരാതി. സൈന്യത്തെ അപമാനിച്ചെന്ന് ആരോപിച്ച് മുംബൈയിലെ അഭിഭാഷകന്‍ അടല്‍ ദുബെയാണ് പരാതി നല്‍കിയത്.

യോഗാ ദിനത്തില്‍ കരസേനയിലെ നായകള്‍ക്കൊപ്പം പട്ടാളക്കാര്‍ യോഗ ചെയ്യുന്ന ഫോട്ടോകള്‍ പങ്കുവച്ച് 'പുതിയ ഇന്ത്യ' എന്ന് രാഹുല്‍ ട്വീറ്റ് ചെയ്തതാണ് വിവാദത്തിനു കാരണമായത്. ബി.ജെ.പി ദേശീയ അധ്യക്ഷനും ആഭ്യന്തരമന്ത്രിയുമായ അമിത് ഷാ ഉള്‍പ്പെടെയുള്ളവര്‍ ഇതിനെതിരേ രംഗത്തു വന്നിരുന്നു.